სკოლის უსაფრთხოება

უსაფრთხოებისა და საზოგადოებრივი წესრიგის დაცვის ინსტრუქცია (ამონარიდი)

პრეამბულა:

სასკოლო საზოგადოების მიერ შესწავლილია, გაზიარებულია  და მიღებულია სახელმძღვანელოდ ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის  წესისა და პირობების დამტკიცების შესახებ განათლებისა და მეცნიერების სამინისტროს მიერ დამტკიცებული „ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესი და პირობები“. სკოლის თავისებურებიდან გამომდინარე საჭირო ღონისძიებები შემუშავებულია და სრულად ასახულია ქვემოთ მოცემულ ინსტრუქციაში.

რეგულაციები,  რომლებიც  გათვალისწინებულია  ადამიანებისა  და  პროცესების უსაფრთხოების უზრუნველყოფის დაგეგმვის პროცესში

1. საქართველოს კანონი „ზოგადი განათლების შესახებ“
2. „ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესისა და პირობების დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 29 იანვრის №06/ნ ბრძანება;
3. „შრომის უსაფრთხოების შესახებ“ საქართველოს ორგანული კანონი;
4. „სამოქალაქო უსაფრთხოების ეროვნული გეგმის დამტკიცების შესახებ“ საქართველოს მთავრობის 2015 წლის 24 სექტემბრის N508 დადგენილება;
5. „სამოქალაქო უსაფრთხოების შესახებ“ საქართველოს კანონი;
6. „სახანძრო უსაფრთხოების წესებისა და პირობების შესახებ ტექნიკური რეგლამენტის დამტკიცების თაობაზე“ საქართველოს მთავრობის 2015 წლის 23 ივლისის N370 დადგენილება;
7. „საქართველოს ზოგადსაგანმანათლებლო   დაწესებულებების/სკოლების   სამედიცინო   პერსონალის საქმიანობის სტანდარტისა და საქართველოს ზოგადსაგანმანათლებლო დაწესებულებებში/სკოლებში სამედიცინო მომსახურების სივრცის (კაბინეტი/პუნქტი) ფუნქციონირების წესის დამტკიცების შესახებ“ საქართველოს განათლებისა და მეცნიერების მინისტრისა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ერთობლივი2022 წლის 21 მარტის №41/ნ/01-23/ნ ბრძანება;
8. „ბავშვთა დაცვის    მიმართვიანობის    (რეფერირების)    პროცედურების    დამტკიცების    თაობაზე“საქართველოს მთავრობის 2016 წლის 12 სექტემბრის N437 დადგენილება;
9. „წყალი, სანიტარია და ჰიგიენა სკოლაში“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 6 თებერვლის №01-40/ო ბრძანებით დამტკიცებული საზოგადოებრივი ჯანმრთელობის ეროვნული რეკომენდაცია;
10. „სასმელი წყლის ტექნიკური რეგლამენტის დამტკიცების შესახებ“ საქართველოს მთავრობის 2014 წლის 15 იანვრის N58 დადგენილება;
11. საქართველოს განათლების, მეცნიერების, კულტურისა და სპორტის მინისტრის 2019 წლის 6 მაისის ბრძანება №83/ნ – 06.05.2019წ.
12. საქართველოს განათლების, მეცნიერების, კულტურისა და სპორტის მინისტრის 2019 წლის 3 ივლისის ბრძანება №135/ნ -04.07.2019წ.
13. საქართველოს განათლებისა და მეცნიერების მინისტრის 2021 წლის 3 სექტემბრის ბრძანება №77/ნ -06.09.2021წ.
14. საქართველოს განათლებისა და მეცნიერების მინისტრის 2022 წლის 27 დეკემბრის ბრძანება №143/ნ – 28.12.2022წ.

რეგულირების სფერო და მიზანი

1. ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესი და პირობები (შემდგომში – წესი) ადგენს ზოგადსაგანმანათლებლო დაწესებულების (შემდგომში – სკოლა) ტერიტორიაზე, სასკოლო დროს უსაფრთხოებისა და საზოგადოებრივი წესრიგის დაცვის მიზნით განსახორციელებელ პრევენციულ ღონისძიებებსა და უსაფრთხოებისა და საზოგადოებრივი წესრიგის დარღვევის დროს განსახორციელებელ ღონისძიებებს.
2. ამ წესის მიზანია:

ა) ბავშვთა უფლებების დაცვა და ბავშვთა საუკეთესო ინტერესების გათვალისწინება;

ბ) სკოლის ტერიტორიაზე სასკოლო დროს უსაფრთხოებისა და საზოგადოებრივი წესრიგის დაცვის  მიზნით პრევენციული ღონისძიებების განხორციელება;

გ) სკოლის ტერიტორიაზე სასკოლო დროს უსაფრთხოებისა და საზოგადოებრივი წესრიგის  დარღვევაზე ეფექტური რეაგირება;

დ) ფიზიკურად, ფსიქოლოგიურად და ემოციურად უსაფრთხო სასკოლო გარემოს უზრუნველყოფა;

ე) სკოლის სტრუქტურული ერთეულების   კოორდინირებული მოქმედების ხელშეწყობა.

კერძო სკოლა ვალდებულია იხელმძღვანელოს ამ წესით და დაიცვას იგი ან საქართველოს განათლებისა და მეცნიერების სამინისტროსთან შეთანხმებით შეიმუშაოს შესაბამისი წესი, რომელიც უზრუნველყოფს ამ წესით განსაზღვრული პრინციპების სრულად დაცვასა და ამ მუხლის მე-2 პუნქტით გათვალისწინებული მიზნების მიღწევას.

უსაფრთხოებისა და საზოგადოებრივი წესრიგის დაცვის მექანიზმები

1. უსაფრთხოებისა და საზოგადოებრივი წესრიგის დაცვისთვის სკოლა განახორციელებს პრევენციულ ღონისძიებებს, უსაფრთხოებისა და საზოგადოებრივი წესრიგის დარღვევისას უზრუნველყოფს შესაბამისი ღონისძიებების განხორციელებას.
2. სკოლის ტერიტორიაზე სასკოლო დროს უსაფრთხოებისა და საზოგადოებრივი წესრიგის დაცვა განახორციელოს უფლებამოსილი პირის საშუალებით.
3. სკოლის ტერიტორიაზე სასკოლო დროს უსაფრთხოებასა და საზოგადოებრივი წესრიგის დაცვაზე პასუხისმგებელ პირს წარმოადგენს – უფლებამოსილი პირი და სკოლის დირექცია.
4. სკოლის შენობის დაცვას უზრუნველყოფს სკოლის დარაჯი.
5. უსაფრთხოებისა და საზოგადოებრივი წესრიგის დაცვის უზრუნველსაყოფად,

სკოლას აქვს  საქართველოს კანონმდებლობით დადგენილი წესით განათავსოს ხანძარსაწინააღმდეგო ინვენტარი და  ევაკუაციის გეგმა.

უსაფრთხოებისა და საზოგადოებრივი წესრიგის დაცვის მიზნით განსახორციელებელი  პრევენციული ღონისძიებები

ინფორმირებულობის უზრუნველყოფა

1. ინფორმირებულობის უზრუნველყოფის მიზნით, სკოლის შენობაში თვალსაჩინო ადგილას არის განთავსებული:

ა) საზოგადოებრივი უსაფრთხოების მართვის ცენტრი „112“-ის ცხელი ხაზის ნომერი – 112 (შემდგომ – 112);

ბ) განათლების და მეცნიერების სამინისტროს ცხელი ხაზის ნომერი – 2 200 220;

გ) სკოლის უფლებამოსილი პირის მობილური ტელეფონის სამსახურებრივი ნომერი;

დ) მანდატურის სამსახურის ფსიქოსოციალური მომსახურების ცენტრის (სამმართველოს) ცხელი ხაზის ნომერი 08 00 00 00 88;

ე) მანდატურის სამსახურის მონიტორინგის სამმართველოს ცხელი ხაზის ნომერი – 2 200 220 (3335);

ვ) საქართველოს სახალხო დამცველის ცხელი ხაზის ნომერი – 598 08 30 06, 1481.

2. სკოლა, წესის მიხედვით, სასწავლო წლის დაწყებიდან არაუგვიანეს 10 დღისა მოსწავლეებსა და მათ კანონიერ წარმომადგენლებს საინფორმაციო ხასიათის შეხვედრების საშუალებით აწოდებს ინფორმაციას ამ მუხლის პირველი პუნქტით გათვალისწინებული პირების/უწყებების ნომრების, ფუნქციებისა და მნიშვნელობის შესახებ.

მოსწავლეთა უფლებებისა და წესების გაცნობა

1. უფლებამოსილი პირი/სკოლის დირექციის წარმომადგენელი ვალდებულნი არიან სასწავლო წლის დაწყებიდან არაუგვიანეს ერთი თვის ვადაში უზრუნველყონ მოსწავლეთა უფლებებისა და წესების, და ასევე, სკოლის საგანგებო სიტუაციებზე რეაგირების გეგმის გაცნობა ყველა მოსწავლისათვის საინფორმაციო ხასიათის შეხვედრების ან/და სხვა ღონისძიებების ორგანიზებით.
2. მოსწავლეთა უფლებები და წესები, ეყრდნობა შემდეგ სამართლებრივ აქტებს:

ა) „ზოგადი განათლების შესახებ“ საქართველოს კანონი;

ბ) „მოსწავლის ქცევის კოდექსის დამტკიცების შესახებ“ საქართველოს განათლებისა და მეცნიერების მინისტრის 2010 წლის 30 აგვისტოს №79/ნ ბრძანება (შემდგომში – მოსწავლის ქცევის კოდექსი);

გ) „მასწავლებლის პროფესიული ეთიკის კოდექსის დამტკიცების შესახებ“ საქართველოს განათლებისა და მეცნიერების მინისტრის 2010 წლის 14 ივლისის №57/ნ ბრძანება (შემდგომში – მასწავლებლის პროფესიული ეთიკის კოდექსი);

დ) სკოლის შინაგანაწესი და ეს წესი.

3. მოსწავლეებისათვის მოსწავლის უფლებებისა და წესების გაცნობა ხორციელდება სასწავლო წლის დასაწყისში დამრიგებლის საათის თემატიკის ფარგლებში.

უსაფრთხოებისა და საზოგადოებრივი წესრიგის დაცვა და მისი შეფასება

უსაფრთხოებისა და საზოგადოებრივი წესრიგის დაცვისა და მისი შეფასებისათვის სკოლის თანამშრომელთა მოვალეობები:

1. სკოლის დირექციისათვის (დირექტორის მოადგილეები)

• დირექციის თითოეული წევრი ვალდებულია წვდომა იქონიოს სკოლის სამეთვალყურეო კამერებთან პირადი მოხმარების კომპიუტერიდან;
• დ/მოადგილეები ვალდებული არიან უზრუნველყოს სკოლის უსაფრთხოებისა და საზოგადოებრივი წესრიგის დაცვის შეფასება;
• უზრუნველყოს მასწავლებლების მიერ სკოლის ტერიტორიაზე სასკოლო დროს უსაფრთხოებისა და საზოგადოებრივი წესრიგის დაცვის შეფასების კითხვარის შევსება;
• განიხილონ სასკოლო დროს უსაფრთხოებისა და საზოგადოებრივი წესრიგის დაცვასთან დაკავშირებული პრობლემების იდენტიფიცირებისა და მისი შემვსები პირის მიერ პრობლემის გადაწყვეტის გზების შეთავაზების
  შესაძლებლობები.
• აღრიცხონ მოსწავლისა და მასწავლებლის/თანამშრომლის გადაცდომის თითოეული შემთხვევა სკოლის მიერ შემუშავებულ სპეციალურ დარღვევის აღრიცხვის ფორმაში. ფორმა შემუშავებულია ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესისა და პირობების დამტკიცების შესახებ საქართველოს განათლების, მეცნიერების, კულტურისა და სპორტის მინისტრის 2019 წლის 29 იანვარის  №06/ნ ბრძანების საფუძველზე და ჯი–ელსის მასწავლებლისა და მოსწავლის ეთიკის კოდექსიდან გამომდინარე;
• ყოველი დღის ბოლოს ან/და (სიმძიმიდან გამომდინარე) მყისიერად უზრუნველყონ დარღვევათა დაფიქსირება შესაბამისი სახდელის განსაზღვრისა და სათანადო რეაგირებისათვის;
• სასკოლო საზოგადოების უსაფრთხოებისათვის კონტროლი გაუწიონ ინსტრუქციით განსაზღვრული თითოეული რგოლის მუშაობას.

2. ადმინისტრაციისათვის (სართულების მიხედვით)

• ინფორმირებულობის უზრუნველყოფის მიზნით, შენობაში თვალსაჩინო
  ადგილას განათავსონ საგანგებო სიტუაციებისა და ფსიქოსოციალური სამსახურის ნომრები:
• განახორციელონ სასწავლო წლის დაწყებიდან არაუგვიანეს ერთი თვის ვადაში  მოსწავლეთა უფლებებისა და წესების (მოსწავლის ქცევის კოდექსი,  სკოლის შინაგანაწესი) ასევე, სკოლის საგანგებო სიტუაციებზე რეაგირების გეგმის გაცნობა ყველა მოსწავლისათვის და მშობლებისთვის
• უზრუნველყოს საინფორმაციო ხასიათის შეხვედრების ან/და სხვა ღონისძიებების ორგანიზება.
• ყურადღება მიაქციონ  წყლის, გამათბობელი საშუალებების გამოყენებას, და არ დაუშვან  ღია ცეცხლის დანთება სკოლის შენობაში;
• დარღვევების აღმოჩენის შემთხვევაში დაუყოვნებლივ მოახსენონ დირექციას;.
• დღეში ორჯერ( მის სამოქმედო ტერიტორიაზე და სართულზე) შემოვლისას შეამოწმონ  შენობა შესაძლო ხანძრის კერის გამოვლენაზე, კომუნიკაციების და ელ. გაყვანილობის გამართულობაზე.

3. მასწავლებლის / კლასის დამრიგებლის ან /და  გახანგძლივებული ჯგუფის აღმზრდელისათვის:

• მასწავლებელი ვალდებულია სასწავლო წლის განმავლობაში 2–ჯერ ჩაატაროს საგანმანათლებლო-საინფორმაციო ხასიათის ღონისძიებები (ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესისა და პირობების დამტკიცების შესახებ საქართველოს განათლების, მეცნიერების, კულტურისა და სპორტის მინისტრის 2019 წლის 29 იანვარის  №06/ნ ბრძანების  მუხლი 10, პუნქტი–1 შესაბამისად)
• კლასის დამრიგებელი უზრუნველყოფს მოსწავლეებისა და მათი მშობლების/კანონიერი წარმომადგენლების მიერ უსაფრთხოების შეფასების კითხვარის შევსებას
• მასწავლებელი ვალდებულია მოითხოვოს სანიტარულ-პროფილაქტიკური წესების დაცვა (განათება, ოთახის განიავება, ჯდომის წესი), პირადი და საზოგადოებრივი ჰიგიენის დაცვა.
• სკოლაში ყოფნის პირველივე დღიდან მიაჩვიოს მოსწავლე დანიშნულებისამებრ გამოიყენოს დასვენების დრო. მოსწავლე გაკვეთილიდან გაუშვას მხოლოდ განსაკუთრებულ შემთხვევაში, რის შესახებაც ატყობინებს მორიგეს.
• საჭიროებიდან გამომდინარე, სკოლის ექიმის/ექთნის რეკომენდაციით მასწავლებელი კლასის დამრიგებლის მეშვეობით უკავშირდება მოსწავლის მშობელს და მხოლოდ ამის შემდეგ დირექტორთან შეთანხმების საფუძველზე ათავისუფლებს მას გაკვეთილიდან.  კლასის დამრიგებელი ან/და სკოლის ექიმი უზრუნველყოფს სკოლაში მოსული მშობლისთვის მოსწავლის ჩაბარებას.
• შესვენებისას და სხვადასხვა ღონისძიებების ჩატარებისას მასწავლებლები ვალდებულნი არიან იმორიგეონ სკოლაში და მიმდებარე ტერიტორიაზე მორიგეობის გრაფიკის მიხედვით ან დირექციის განკარგულებით;.
• გახანგრძლივებული ჯგუფის აღმზრდელები ბავშვების გარეთ გაყვანისას (გასეირნებისას) პირადად უნდა დარწმუნდნენ სასეირნო ადგილების უსაფრთხოებაში;
• გახანგრძლივებული ჯგუფის აღმზრდელები არ ტოვებენ ბავშვებს უყურადღებოდ სანამ არ ჩააბარებენ მათ მასწავლებელს ან მშობელს; ისინი არ ესაუბრებიან მშობელს და არ გადააქვთ ყურადღება ძირითადი სამუშაოდან;
• ბუფეტში ბავშვების ქცევაზე კონტროლს ახორციელებს გახანგრძლივებული ჯგუფის მასწავლებელი/აღმზრდელი.

4. მორიგე მასწავლებლისთვის:

• სავალდებულოა ყოველდღიური სასწავლო აღმზრდელობითი პროცესის უსაფრთხოების ზომების უზრუნველყოფა (შესვენებებისა და საგაკვეთილო პროცესის მიმდინარეობისას-დადგენილი განრიგით);
• უსაფრთხოების ზომების მიღება  სპორტული და  სხვა კლასგარეშე  ღონისძიების ორგანიზებისას;
• უსაფრთხოების ზომების მიღება დირექციისა და ადმინისტრაციის მიერ ორგანიზებულ კლასგარეშე ღონისძიებების ორგანიზებისას.
• უსაფრთხოების ზომების მიღება მოსწავლეთა სასკოლო ტრანსპორტით (მიკროავტობუსებით) მგზავრობისას, დანიშნულების ადგილამდე ან/და მშობლამდე მოსწავლის მიყვანაზე და პასუხისმგებლობა.

5. სკოლის ექიმისათვის/ექთნისთვის

• სკოლის ექიმი ვალდებულია მოსწავლეებისათვის აწარმოოს საგანმანათლებლო-საინფორმაციო კამპანია ჯანსაღი ცხოვრების წესის პოპულარიზაციასთან დაკავშირებით;
• მოსწავლეების ჯანსაღი კვებითი უნარ–ჩვევების განვითარებისა და მათი საჭირო ენერგიით უზრუნველყოფის მიზნით კონტროლი გაუწიოს სასკოლო კვებისა და სკოლის ბუფეტის მენიუში შეტანილი პროდუქტების ხარისხს და უზრუნველყოს დირექტორის 2017 წლის 8 სექტემბრის N2/172  ბრძანების შესრულება.
• კონტროლი გაუწიოს და დამლაგებელთან ერთად უზრუნველყოს სანიტარულ–ჰიგიენური ნორმების დაცვა.

6. დამლაგებლისთვის:

• დამლაგებელი ემორჩილება სკოლის ადმინისტრატორს ასრულებს ყველა მის განკარგულებას დროულად და ხარისხიანად. მუშაობისას მჭიდროდ თანამშრომლობს სკოლის ექიმთან/ექთანთან და პედაგოგებთან. ითვალისწინებს მათ რეკომენდაციებს, იღებს ყველა ზომას, რათა შეინარჩუნოს სისუფთავე საკლასო ოთახებში, კაბინეტებსა და ლაბორატორიებში;
• ყოველდღიურად ასუფთავებს დერეფნებს და წმენდს იატაკებს;
• ყოველდღიურად ასუფთავებსს საკლასო ოთახებს, განსაკუთრებული ყურადღება ეთმობა მერხებისა და ფანჯრების სისუფთავეს;
• არ დაუშვას მტვრის დაგროვება საკლასო ოთახის კუთხეებსა და ძნელად მისადგომ ადგილებში;
• ვალდებულია გულმოდგინიდ გაწმინდოს საპირფარეშოს კედლები, კარებები, ჩაატაროს დეზინფექცია ყოველი დღის ბოლოს, ან საჭიროების შემთხვევაში დიდი შესვენების დროს;
• ასუფთავებს სკოლის მიმდებარე ტერიტორიას – შემოსასვლელს;
• ყოველდღიურად ასუფთავებსს ნაგვის ურნებს, კვირაში ერთხელ ან/და საჭიროებისამებრ  მათი დეზინფექციით;
• სამუშაო დღის დასრულების შემდეგ კეტავს საპირფარეშოებში ონკანებს და თიშავს ყველა ელ. ხელსაწყოს.

7. დარაჯისთვის:

• არ დაუშვას უცხო პირთა შემოსვლა სკოლის შენობაში;
• არ დაუშვას მოსწავლის სკოლის შენობიდან დამოუკიდებლად გასვლის ფაქტი;
• მშობლის შემოშვება დაუშვას მხოლოს კათედრის დღეებში დადგენილი განრიგის შესაბამისად;
• შეამოწმოს საკეტების,  კარებების მთლიანობა, კავშირგაბმულობის საშუალებების გამართულობა/გამორთულობა;
• სამუშაო საათების დასრულების შემდეგ:

ა) შეამოწმოს შენობა და ინვენტარი;

ბ) გამორთოს შუქი და ელ. ხელსაწყოები;

გ) დაკეტოს ფანჯრები და სკოლის კარები;

დ)ხანძრის კერის აღმოჩენის შემთხვევაში დარეკოს:

• სახანძრო სამსახურთან;
• სკოლის დირექტორთან.

უსაფრთხოების ზომები სპორტული და სხვა სასკოლო და სკოლისგარეშე ღონისძიების ორგანიზებისას

• სკოლის ყველა თანამშრომელი ვალდებულია სპორტული ან სასკოლო ღონისძიებების ჩატარებისას, უზრუნველყოს მოსწავლეების უსაფრთხოება (იცოდეს ევაკუაციის გეგმა, იცოდეს ხანძარსაწინააღმდეგო ინვენტარისა და სხვა საშუალებების ადგილმდებარეობა);
• მოსწავლის მიერ ტრამვის მიღების შემთხვევაში პედაგოგი ვალდებულია მიიყვანოს მოსწავლე  ექიმთან/ექთანთან  და შეატყობინოს კლასის დამრიგებელს;
• სკოლის ტერიტორიის ფარგლებს გარეთ ღონისძიებების (ექსკურსია, გასვლითი გაკვეთილი)  დაგეგმვა ხდება მხოლოდ სკოლის დირექტორის  ნებართვით. დაგეგმილ ღონისძიებამდე არაუგვიანეს ერთი კვირისა იწერება განაცხადი და შესაბამისი ნებართვა;
• განაცხადს ავსებს უშუალოდ ღონისძიების ორგანიზატორი.
• სკოლისგარეშე ღონისძიებებისას მასწავლებლები და მოსწავლეები ხელმძღვანელობენ
• ,,მოსწავლეების ექსკურსიებსა და სხვადასხვა ღონისძიებებზე გადაყვანასთან დაკავშირებით“ დირექტორის 2019 წლის 3 ივნისის N2/231 ბრძანებისა სხვა არსებული რეგულაციების შესაბამისად.

ძალადობის რისკების შეფასება სკოლაში

1. ადრეულ ეტაპზე ძალადობის პრევენციასა და ძალადობის განმეორების საფრთხეების იდენტიფიცირების მიზნით, სკოლა ვალდებულია სასწავლო წლის განმავლობაში სულ მცირე ერთხელ განახორციელოს ძალადობის რისკების შეფასება მოსწავლეებში და მასწავლებლებში.
2. ამ მუხლის პირველი პუნქტით გათვალისწინებული შეფასებისას დაცული უნდა იყოს მოსწავლეთა და მასწავლებელთა ანონიმურობა.
3. მოსწავლეებში ძალადობის რისკების შეფასება არის სკოლის მიერ ძალადობის პრევენციის მიზნით განსახორციელებელი ღონისძიებების დაგეგმვისა და განხორციელების საფუძველი.

ფსიქოსოციალური მომსახურების მიღება

სასკოლო საზოგადოებას ფსიქოსოციალური მომსახურების მიღება შეუძლიათ:

ა) მანდატურის სამსახურის ფსიქოლოგთან ან სოციალურ მუშაკთან სატელეფონო კონსულტაციით;

ბ) მანდატურის სამსახურის ფსიქოლოგთან ან სოციალურ მუშაკთან ონლაინკონსულტაციით, ინტერნეტპორტალის საშუალებით;

გ) მანდატურის სამსახურის ფსიქოლოგთან ან სოციალურ მუშაკთან კონსულტაციით მობილური სატელეფონო აპლიკაციის საშუალებით;

გ) სკოლის ფსიქოლოგთან კონსულტაციით.

საგანმანათლებლო–საინფორმაციო ხასიათის ღონისძიებები

სკოლა ვალდებულია სასწავლო წლის განმავლობაში სულ მცირე ორჯერ აწარმოოს მოსწავლეებისთვის საგანმანათლებლო-საინფორმაციო კამპანია:

ა) ძალადობისა და ოჯახში ძალადობის წინააღმდეგ;

ბ) დისკრიმინაციის  წინააღმდეგ;

გ) ბულინგისა და კიბერბულინგის წინააღმდეგ;

დ) ჯანსაღი ცხოვრების წესის პოპულარიზაციასთან დაკავშირებით

სკოლა ამ მიზნით გათვალისწინებულ საკითხებზე აწყობს:

ა) დისკუსიებს/დებატებს;

ბ) საკლასო/სასკოლო ესეებისა და ნახატების კონკურსებს;

გ) სპორტული შეჯიბრებებს;

დ)საკლასო/სასკოლო თეატრალური წარმოდგენებს;

ე) ფილმების/ვიდეორგოლების ჩვენებას;

ვ) სხვადასხვა ხასიათის კვირეულებს;

ზ)მართლწესრიგის ოფიცერთან ან/და უბნის ინსპექტორთან მოსწავლეების შეხვედრებს;

ი) პარტნიორი უმაღლესი საგანმანათლებლო დაწესებულების სტუდენტების ან/და მაგისტრანტებისა და მოსწავლეების შეხვედრებს;

სკოლა ვალდებულია სასწავლო წლის განმავლობაში სულ მცირე ერთხელ აწარმოოს მოსწავლის კანონიერ წარმომადგენლებთან საგანმანათლებლო-საინფორმაციო ხასიათის ღონისძიებები ისეთ საკითხებზე, როგორიცაა:

ა) მშობლის როლი ბავშვის განათლებაში და აღზრდაში;

ბ) შვილთან ეფექტური კომუნიკაცია;

გ) ძალადობა (მათ შორის ნაადრევი ქორწინება) და მისი გავლენა ბავშვის ფსიქოლოგიაზე;

დ) ოჯახში ძალადობა და მისი გავლენა ბავშვის ფსიქოლოგიაზე;

ე) ბულინგი, კიბერბულინგი და მათი გავლენა ბავშვის ფსიქოლოგიაზე;

ვ) ჯანსაღი ცხოვრების წესი;

ზ) სხვა საკითხები, რომლებიც უზრუნველყოფს კანონიერი წარმომადგენლის ჩართულობის ამაღლებას მოსწავლის სასკოლო ცხოვრებაში.

მოსწავლის კანონიერ წარმომადგენლებთან საგანმანათლებლო-საინფორმაციო ხასიათის ღონისძიებების ორგანიზების მიზნით, სკოლა:

ა) მიმართავს მანდატურის სამსახურის ფსიქოსოციალური მომსახურების ცენტრს (სამმართველოს);

ბ)იწვევს მართლწესრიგის ოფიცერს ან/და უბნის ინსპექტორს;

გ) მოიძიებს ღონისძიების ორგანიზატორ საერთაშორისო ან ადგილობრივ არასამთავრობო  ორგანიზაციებს.

მზრუნველთა საბჭო

ა) იქმნება სკოლის ტერიტორიაზე სასკოლო დროს უსაფრთხოებისა და საზოგადოებრივი წესრიგის დაცვის სფეროში მანდატურისა და სკოლის სტრუქტურული ერთეულების კოორდინირებული მოქმედების უზრუნველყოფის მიზნით, სკოლის დირექტორის ბრძანებით.

მზრუნველთა საბჭო მუშაობს კანონიერების სრული დაცვით, რისთვისაც:

ა)განიხილავს სკოლის ტერიტორიაზე სასკოლო დროს უსაფრთხოებისა და საზოგადოებრივი წესრიგის დაცვასთან დაკავშირებულ საკითხებს, იღებს შესაბამის რეკომენდაციებს და წარუდგენს სკოლის დირექტორს შემდგომი რეაგირებისათვის;

ბ) ისმენს სკოლის დირექტორის ანგარიშს ამ  რეკომენდაციების შესრულების მდგომარეობასთან დაკავშირებით;

გ) უფლებამოსილია შეიმუშაოს ინიციატივები სკოლის ტერიტორიაზე სასკოლო დროს უსაფრთხოებისა და საზოგადოებრივი წესრიგის დაცვასთან დაკავშირებით საგანმანათლებლო-საინფორმაციო ხასიათის ღონისძიებების ჩატარების შესახებ და წარუდგინოს სკოლის დირექტორს შემდგომი რეაგირებისათვის;

დ) მიმართავს მანდატურის სამსახურს მობილური ჯგუფის მივლენის მოთხოვნით;

ე) უფლებამოსილია მიმართოს სკოლის დირექტორს მოსწავლეთა/კანონიერ წარმომადგენელთა  საგანმანათლებლო-საინფორმაციო ხასიათის ღონისძიებების ორგანიზების მოთხოვნით.

მზრუნველთა საბჭოს შემადგენლობაში შედიან:

ა) სკოლის დირექტორი ან/და მისი მოადგილე/მოადგილეები;

ბ) უფლებამოსილი პირი, რომელიც ამავდროულად არის მრჩეველთა საბჭოს თავმჯდომარის მოადგილე;

გ) პედაგოგიური საბჭოს თავმჯდომარე – საბჭოს მდივანი;

დ) დისციპლინური კომიტეტის თავმჯდომარე;

ე) მოსწავლეთა თვითმმართველობის თავმჯდომარე;

ვ) მშობელთა კომიტეტის თავმჯდომარე.

მზრუნველთა საბჭოს უფლებამოსილებისა და საქმიანობის არეალი განისაზღვრება ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესის და პირობების სრული დაცვით.

სკოლის ტერიტორიაზე სასკოლო დროს უსაფრთხოებისა და საზოგადოებრივი წესრიგის დარღვევის დროს განსახორციელებელი ღონისძიებები

1. სკოლაში უსაფრთხოებისა და საზოგადოებრივი წესრიგის დარღვევას წარმოადგენს:

ა) საგანგებო სიტუაციები (ხანძარი, მიწისძვრა, წყალდიდობა და ა.შ.);

ბ) საზოგადოებრივი ჯანმრთელობისათვის რისკის შემცველი (ფართო გავრცელების პოტენციალის მქონე) გადამდები დაავადების შემთხვევა სკოლაში (შემდგომში – გადამდები დაავადების შემთხვევა).

გ) სუიციდური აზრი, სუიციდის მცდელობა, სუიციდი;

დ) თვითდაზიანება;

ე) ფეთქებადი ნივთიერებების სკოლაში აღმოჩენა ან სკოლაში ფეთქებადი ნივთიერებების არსებობის შესახებ შეტყობინება;

ვ) მოსწავლის მიერ საქართველოს კანონმდებლობით აკრძალული ნივთის, სავარაუდო დისციპლინური გადაცდომის/სამართალდარღვევის ჩადენის იარაღის ქონა, ასევე იმ საგნის ქონა, რომელსაც სავარაუდო დისციპლინური გადაცდომის/სამართალდარღვევის ჩადენის კვალი ატყვია, სავარაუდო დისციპლინური გადაცდომის/სამართალდარღვევის ჩადენით მოპოვებული ნივთისა და ფასეულობის, აგრეთვე იმ საგნისა და დოკუმენტის ქონა, რომლებიც საჭიროა სავარაუდო დისციპლინური გადაცდომის/სამართალდარღვევის ჩადენის გარემოებათა გასარკვევად;

ზ) მოსწავლის/მასწავლებლის/სკოლის სხვა თანამშრომლის მიერ თამბაქოს, ალკოჰოლის ან/და ნარკოტიკული საშუალების, მისი ანალოგის, პრეკურსორის, ახალი ფსიქოაქტიური ნივთიერების, ფსიქოტროპული ნივთიერების, მისი ანალოგის ან ძლიერმოქმედი ნივთიერების შეტანა, რეალიზაცია,მოხმარება სკოლის ტერიტორიაზე ან/და მათი ზემოქმედების ქვეშ ყოფნა;

თ) მოსწავლის საგაკვეთილო პროცესზე გამოუცხადებლობა ან/და დაგვიანება საპატიო მიზეზისგარეშე, იმ შემთხვევაში, როდესაც აღნიშნულის შესახებ მოსწავლის კანონიერი წარმომადგენელი არ არის ინფორმირებული, ასევე მოსწავლის მიერ საგაკვეთილო/სასწავლო პროცესის მიმდინარეობისას კლასის ან/და სკოლის დატოვება შესაბამისი საფუძვლისა და ნებართვის გარეშე;

ი) მოსწავლის მიერ/მოსწავლის მიმართ ნებისმიერი სახის ძალადობა;

კ) მოსწავლის მიერ/მოსწავლის მიმართ ჩადენილი საქართველოს სისხლის სამართლის კოდექსითა და საქართველოს ადმინისტრაციულ სამართალდარღვევათა კოდექსით გათვალისწინებული ნებისმიერი სამართალდარღვევა;

ლ) მოსწავლის მიერ/მოსწავლის მიმართ ბულინგის ან კიბერბულინგის ჩადენა;

მ) მოსწავლის მიერ/მოსწავლის მიმართ განხორციელებული დისკრიმინაცია ნებისმიერი ნიშნის მიხედვით;

ნ) მოსწავლის დესტრუქციული ქცევა;

ო) მოსწავლის მიერ ფულის/ნივთის უნებართვოდ აღება, ფულის შეგროვება, ფულის/ნივთის სხვა მოსწავლისათვის იძულების ნებისმიერ ფორმით გამორთმევა;

პ) მოსწავლის/მასწავლებლის/სკოლის თანამშრომლის/სკოლის ქონების ხელყოფა;

ჟ) სხვა გარემოება ან/და ქმედება, რომელმაც შეიძლება სკოლის ტერიტორიაზე სასკოლო დროს საფრთხე შეუქმნას იქ მყოფ პირთა სიცოცხლეს ან/და ჯანმრთელობას ან/და ქონებას, სკოლის გამართულ ფუნქციონირებას ან/და სასწავლო პროცესის მიმდინარეობას, ასევე სკოლის შინაგანაწესის, მოსწავლის ქცევის კოდექსისა და მასწავლებლის პროფესიული ეთიკის კოდექსის დარღვევა.

2. ამ მუხლის პირველი პუნქტის „ჟ“ ქვეპუნქტით გათვალისწინებული გარემოების ან/და ქმედებისას უფლებამოსილი პირის/სკოლის ადმინისტრაციის მიერ განსახორციელებელი ღონისძიებები უნდა ემსახურებოდეს ამ წესის პირველი მუხლის მე-2 პუნქტით გათვალისწინებული  მიზნების მიღწევას.

საგანგებო სიტუაციების დროს უსაფრთხოებისა და საზოგადოებრივი წესრიგის დაცვის მიზნით განსახორციელებელი ღონისძიებები

ამ  მიზნით განსახორციელებელი ღონისძიებების ნაწილში  სკოლის მიერ  მთლიანადაა გაზიარებული განათლებისა და მეცნიერების სამინისტროს მერ დამტკიცებული   ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის მოქმედი წესი და პირობები.

წინამდებარე ინსტრუქციის  განუყოფელი ნაწილია სკოლის დირექტორის ბრძანებით დამტკიცებული საგანგებო სიტუაციებში სამოქმედო გეგმა.

უსაფრთხოებაზე პასუხისმგებელი პირი

უფლება-მოვალეობები

1. სკოლა უზრუნველყოფს მანდატურის სამსახურის მიერ დაამტკიცებული პასუხისმგებელი პირის მოსამზადებელ ტრენინგ-მოდულის შესაბამისად უფლებამოსილი პირის გადამზადებას;
2. პასუხისმგებელი პირი ახორციელებს ამ წესით გათვალისწინებულ უფლება-მოვალეობებს.
3. პასუხისმგებელი პირი სკოლის ტერიტორიაზე უსაფრთხოებისა და საზოგადოებრივი წესრიგის დაცვის მიზნით უფლებამოსილია განახორციელოს:

ა) სკოლის შიდა და გარე პერიმეტრის დათვალიერება ვიდეოსათვალთვალო სისტემის საშუალებით;

ბ) სკოლის შიდა და გარე პერიმეტრის არადისტანციური დათვალიერება.

4. საგაკვეთილო პროცესის მიმდინარეობისას, სკოლის გარე პერიმეტრის დათვალიერება ხორციელდება ვიდეოსათვალთვალო სისტემის საშუალებით. სკოლის გარე პერიმეტრის არადისტანციური დათვალიერება უფლებამოსილმა პირმა უნდა განახორციელოს სისტემატურად.
5. პასუხისმგებელი პირი, რომელიც უზრუნველყოფს სკოლის შიდა და გარე პერიმეტრის დათვალიერებას, დარღვევის/სავარაუდო დარღვევის ეჭვის გაჩენის შემთხვევაში, ვალდებულია დაუყოვნებლივ შეატყობინოს სკოლის დირექციას/ადმინისტრაციას.
6. პასუხისმგებელი პირის მიერ უკონტაქტო ზედაპირული დათვალიერების განხორციელების შემდგომ, უფლებამოსილი პირი უზრუნველყოფს ოქმის შედგენას გათვალისწინებული ფორმით.
7. პასუხისმგებელი პირის მიერ მოსწავლის განცალკევების შემდგომ, უფლებამოსილი პირი უზრუნველყოფს ოქმის შედგენას დანართი №2-ით გათვალისწინებული ფორმით.
8. სკოლაში ბავშვთა რაოდენობისა და პირობების გათვალისწინებით, სკოლის დირექციისა და მანდატურის სამსახურის ერთობლივი შეთანხმებით, შესაძლებელია განისაზღვროს პასუხისმგებელი პირის უფლება-მოვალეობათა შესრულების წინამდებარე წესისაგან განსხვავებული წესი.
9. პასუხისმგებელი პირი ვალდებულია დაიცვას სკოლაში საზოგადოებრივი წესრიგისა და უსაფრთხოების დაცვისას მიღებული ინფორმაციის (მათ შორის პერსონალური მონაცემების) კონფიდენციალურობა და არ დაუშვას მისი გასაჯაროება და მესამე პირისათვის გამჟღავნება, გარდა საქართველოს კანონმდებლობით გათვალისწინებული შემთხვევებისა.

წესის დარღვევა

1. ამ წესის დარღვევა იწვევს დისციპლინურ პასუხისმგებლობას სკოლის შინაგანაწესითა და საქართველოს კანონმდებლობით დადგენილი წესით.
2. სკოლა ვალდებულია უზრუნველყოს შინაგანაწესში ამ წესის დარღვევისათვის შესაბამისი დისციპლინური ღონისძიებების განსაზღვრა, დარღვევის შედეგების სიმძიმის გათვალისწინებით.

საგანგებო სიტუაციების მართვის ჯგუფის შეტყობინების სქემა

სრული სახით ხელმისაწვდომია სასკოლო სივრცეებში