1. მიზანი და ამოცანები მრავალწლიანი გამოცდილების გერმანული ენის სადიპლომო სკოლა 2025 წლის სექტემბრიდან იწყებს სრულიად ახალი სასკოლო პროგრამის ორგანიზებას იმ მოსწავლეებისათვის, რომელთაც არ უსწავლიათ გერმანული ენა, ან აქვთ ენის ფლობის დაბალი დონე. ამავდროულად, აქვთ გერმანულენოვან ქვეყნებში უმაღლესი განათლების მიღების, გერმანიის სახელმწიფო კოლეჯებსა და უნივერსიტეტებში სრული დაფინანსების მოპოვების სურვილი და მოტივაცია, რისთვისაც ესაჭიროებათ გერმანული ენის დიპლომი და მაღალი აკადემიური მაჩვენებლები. 2. პროექტის წინაპირობები: გერმანული ენის სწავლებისა და გერმანული განათლების სისტემის გამოცდილების გაზიარების 30 წლიანი ისტორია, DSD - სკოლა 2012 წლიდან, დიპლომების რაოდენობა DSD I – 188, DSD II – 23, სკოლის კურსდამთავრებული სწავლობენ გერმანულენოვან ქვეყნებში, გვყავს DAAD სტიპენდიანტები. პროგრამას გაუძღვება ძლიერი აკადემიური გუნდი. 3. ორგანიზება მიზნის განხორციელება განისაზღვრა ორი სქემით: ა) მოსწავლეთა მომზადება და გერმანული ენის B1 სადიპლომო გამოცდის ჩაბარება სკოლაში, მომზადება გერმანული Studiencolege-სათვის, Studiencolege-ის გამოცდა საქართველოში, სკოლის დამთავრების შემდეგ წასვლა გერმანიაში, სწავლა Studiencolege-ში, B2-C1 დონის გამოცდის ჩაბარება სკოლის პარტნიორი ენის ცენტრში - გერმანიაში, განაცხადი გერმანიის 4 უნივერსიტეტში; ბ) მოსწავლეთა მომზადება და გერმანული ენის B1 სადიპლომო გამოცდის ჩაბარება სკოლაში, მომზადება ეროვნული გამოცდებისათვის, სწავლა საქართველოში 1-2 წელი, B2-C1 დონის გამოცდის ჩაბარება საქართველოში ან სკოლის პარტნიორი ენის ცენტრში - გერმანიაში, განაცხადი გერმანიის 4 უნივერსიტეტში. 4. მიღება 2025 წლის სექტემბრისათვის მოსწავლეები მიიღებიან მხოლოდ მე-7 და მე-8 კლასებში, სამოტივაციო წერილისა და ტესტირების საფუძველზე. ტესტირება ჩატარდება შემდეგ საგნებში: - ინგლისური ენა, - გერმანული ენა, - მათემატიკა და მეცნიერება (ზოგადი ტესტი) მსურველთა წინასწარი რეგისტრაცია და სამოტივაციო წერილების მიღება დაწყებულია. ინდივიდუალური და ჯგუფური პრეზენტაციები 30 მარტიდან (ყოველი კვირის ოთხშაბათი და პარასკევი, 11:00 – 14:00). სამოტივაციო წერილების განხილვა 1 მაისამდე, მისაღები ტესტირება მაისში.
  • საინტერესო სიახლე სკოლა ჯიელსიში